SA Web Biz

Gebede Wat Pla

Gebede Wat Pla

Gebede Wat Pla

Gister sien ek iemand wat soort van bid dat God vir haar werk moet gee en vanoggend kry ek die soveelste keer 'n gebed wat alle siekte, armoede, probleme en watnog ...

Gister sien ek iemand wat soort van bid dat God vir haar werk moet gee en vanoggend kry ek die soveelste keer 'n gebed wat alle siekte, armoede, probleme en watnog nietig verklaar word in die naam van Jesus Christus.

Nou kyk, ek is nie iemand wat my geloof aan ieder en elk verkondig met woord nie maar wel sover moontlik deur my dade en wat my pla van sulke "gebede" is dat dit letterlik daarop neerkom om God te versoek, hom as jou persoonlike bediende, werkplasingsbeampte, geneesheer, beskermer en wat nog te beskou.

Sekerlik kon selfs Christus van die berg afspring maar hy sê jy mag die Here jou God nie versoek nie.

God voed wel al die diere in die veld, maar beslis nie met ontbyt in die bed nie of hoe? Die kos IS DAAR maar elke dier moet self daarvoor werk.

Om te bid vir iets is een ding, maar om te bid en die daad by die geloof te voeg iets heeltemal anders.

Daar is hoeveel GOEIE mans en vrouens daarbuite maar weens een of twee slegtes word almal oor dieselfde kam geskeer. Daar is hoeveel oop poste maar weens 10 of 100 mislukte aansoeke is "daar nie werk nie". Daar is hoeveel werksgeleenthede om vir jouself te werk maar weens 'n paar scams is almal skelm.

Daar is hoeveel maniere om jou probleme op te los maar dit is teveel moeite, te "moeilik" om dit self te doen en dit is mos makliker om jou persoonlike bediende te vra. Daar is hoeveel maniere om aktiewer en gesonder te lewe maar in plaas van betrokke raak by gemeenskapsgroepe of ander mense en aktiewiteite, word daar heeldag by die huis gesit en gebid oor gesondheid, oor alleenheid.

As ons gaan sit en mooi dink is feitlik al die probleme in ons lewe op die ou end tog maar die resultaat van ONS EIE keuses en besluite so hoe kan ons van God verwag om ONS EIE probleme op te los as onsself direk of indirek die oorsaak daarvan was EN onsself handjies gevou sit en steeds maar aangaan met dieselfde tipe keuses en besluite wat in die eerste plek die probleme veroorsaak het.

Dit is maklik om die vinger te wys, dit was rowers, dit was die of daardie persoon of dit en dat, maar as ons weereens mooi dink, is dit tog op die ou end ons keuses en besluite wat ons in die situasie laat beland het.

Jy HET geweet jy moes die venster toemaak of jy HET toegelaat dat die of daardie persoon dit doen of jy HET dit of dat gedoen of nie gedoen nie.

Diep binne in ons weet ons wat is reg en wat nie en as ons daardie stemmetjie ignoreer dra ons die gevolge en moet SELF daaruit kom en DAN kan ons wel bid, "Here, seen MY volgehoue POGINGS om 'n werk te kry en help my om MY oe oop te maak vir geleenthede" of so iets.

Presies nou is my gebed "Here help my om te volhard in my pogings om my besigheid weer reg te kry" en hierdie stuk tik is wel NIE deel van my werk nie, maar tog deel van alles in die groter konteks van myself verbeter en versterk as mens deur OOK ander te bemoedig, want hierdie is 'n positiewe aanmoediging en nie afbrekende negatiewiteit nie.

More Articles in the Werk Tuis Category

http://www.saweb.biz/articles/223/geleenthede-vir-afrika.html
Ondanks die ontsaglike hoeveelheid water wat elke dag gebruik word is die hoeveelheid water op aarde nog presies dieselfde na miljoene jare en is droogte maar net omdat water
http://www.saweb.biz/articles/1627/die-verskil-tussen-wen-of-verloor.html
As ons na baie van die mense kyk wat hulle self opgewerk het en nou skatryk is, dan is ek seker dat meeste van hulle in 'n stadium van hulle lewe feitlik net gewerk
http://www.saweb.biz/articles/1628/gebede-wat-pla.html
Gister sien ek iemand wat soort van bid dat God vir haar werk moet gee en vanoggend kry ek die soveelste keer 'n gebed wat alle siekte, armoede, probleme en watnog
http://www.saweb.biz/articles/1629/doen-wat-jy-doen-doen-goed.html
Kan jy jouself hiermee vereenselwig? Is dit hoe jy dinge doen en meer nog, is dit hoe jy is? Nie net wat jy doen goed doen nie, maar jou hele siel en hart sit in wat jy doen?
http://www.saweb.biz/articles/1630/verdien-geld-tuis-werk-nie.html
Hoekom werk "verdien-geld-tuis" programme nie?. 'n Mens kan nie geld verdien uit enige produk, diens of geleentheid sonder iemand anders wat vir so